وكيلك الأول: دليل تشغيل Claude Code على ملفاتك

ليش هذي الحزمة

أغلب الناس جرّبوا يسألون الذكاء الاصطناعي في محادثة، ثم نسخوا الجواب ولصقوه بأيديهم. هذي الحزمة تنقلك خطوة: وكيل يفتح ملفاتك بنفسه، ويشتغل عليها، ويكتب لك النتيجة في مجلد.

لكن وكيل يفتح ملفاتك يحتاج ثلاثة أشياء، والحزمة كلها مبنية عليها: ايش تسلّمه، وايش تمنعه منه، وكيف تتأكد أنه سوّاها صح.

ماذا ستحصل عليه؟

بعد ما تخلص، تعرف كيف

• تسلّم الوكيل شغلة حقيقية من شغلك، وتستلم النتيجة في مجلد
• تكتب له ملف تعريف يقرؤه أول كل مرة، فلا تعيد الشرح
• تمنعه يكتب في ملفاتك الأصلية، حتى لو حاول
• تعرف ايش يخرج من جهازك وايش لا يخرج
• تكشف غلطته بسطر فحص تشوفه بعينك
• تحوّل الشغلة التي تتكرر عندك إلى أمر واحد
• تشغّل مراجعاً ثانياً يفحص شغل الوكيل الأول

لمن هذه الحزمة

موظف أو صاحب عمل، شغله ملفات وتقارير وجداول وعقود، ويبغى يخلص أسرع وأنظف.

ما يحتاج يعرف برمجة. يكفيه يعرف ويندوز: مجلدات ونسخ ولصق.

عندك Claude Code من قبل؟

لو عندك ملف CLAUDE.md وتشتغل عليه، فأغلب الفصلين الأول والثاني تعرفه.

اللي غالباً ناقصك: قفل يمنع الوكيل يكتب في ملفاتك الأصلية حتى لو وافقت على كل شيء (الفصل الرابع)، وملف الإعدادات settings.json، وطريقة تكشف فيها غلطة الوكيل قبل ما تعتمد شغله (الفصل السابع).

ولو تبني تطبيقات وتبرمج، فهذي الحزمة مو لك.

ما لا تشمله هذي الحزمة

ليست دورة فيديو. ملفات تُقرأ وتُنسخ.

ولا تعلّمك البرمجة، ولا تبني لك تطبيقاً.

ولا تجعل الوكيل معصوماً. تجعل الغلطة نادرة، ثم تعلّمك تكشفها.

ولا تبيعك ضماناً أمنياً. الفصل الخامس يقول لك ايش يخرج من جهازك بالنصّ الرسمي، وايش ما أقدر أضمنه.

التفاصيل

ايش يوصلك:

ملف مضغوط واحد، تفكّ ضغطه وتفتح «ابدأ من هنا»

الكتاب:

111 صفحة، سبعة فصول

ابدأ من هنا:

13 صفحة

حجم الملف:

3 ميجابايت

اللغة:

العربية

الأجهزة:

جُرّبت على ويندوز 11، وفروق ماك مكتوبة في مكانها ولم تُجرَّب

يحتاج:

اشتراكاً مدفوعاً في تطبيق Claude

جرّبتها قبل ما أبيعها

خطوات «ابدأ من هنا» وأهم ما في الكتاب جرّبتها على جهاز ويندوز 11، لا الحالات الثلاثين كلها.

ومعها أكثر من عشرين صورة من شاشتي، لأن الصور كشفت لي ستة أخطاء في وصف الشاشة كانت مكتوبة بثقة.

محتويات المنتج

• وكيلك الأول.zip